Erediens: KerkjaarKerkjaar

Lydenstyd (Paasbolletjies, Nagmaal)

By Mar 22, 2022 Mar 31st, 2022 No Comments

Intergenerasionele erediens wenk

Tema: Lydenstyd (Paasbolletjies, Nagmaal)

Ons vier tans die kerkjaar seisoen Lydenstyd en help families om die betekenis daarvan hulle eie te maak. Ons gebruik elke week ‘n ander simbool om hieroor te gesels. Vandag gesels ons oor Paasbolletjies (hot cross buns) en brood. Onthou om vandag ‘n vierde kers dood te blaas van die sewekandelaar.

Hoekom word “hot cross buns” (paasbolletjies) tydens Paasfees geeët?
Die tradisie om geurige rolletjies met ‘n kruis te merk kom uit die Middeleeue. Die speserye in die hot cross buns, verteenwoordig Christus se lyding en die kruis bo-op, sy kruisdood. ‘n Monnik in die 13de eeu in Engeland het blykbaar rolletjies gebak en dit met ‘n kruis gemerk vir Paasfees. Dit is aanvanklik “Good Friday buns” genoem.  Teen die 16de eeu het dit populêr geword om hierdie geurige, soet rolletjies met speserye en rosyne te bak tydens Paasfees – en daar is selfs ‘n ou Engelse kinderliedjie daaroor: “Hot Cross buns, Hot Cross buns, one a penny, two a penny, Hot Cross buns”. (Jy kon blykbaar 2 kleintjies koop of een grote vir ‘n pennie).

Brood
In Lydenstyd is brood ‘n simbool van Jesus se lyding (sy liggaam wat gebreek is vir ons aan die kruis), maar brood is ook ‘n simbool van ons afhanklikheid van God se sorg.

Gesels: Jesus verwys na homself as die brood van die lewe. Hoekom dink jy sê Jesus dat Hy ons brood is?

Kry terugvoer en maak dan die punt – Hy versorg ons fisies (ons daaglikse brood) en ook geestelik (Hy vul ons geestelike honger). Joh 6: 35 Maar Jesus sê vir hulle: “Ek is die brood wat lewe gee. Wie na My toe kom, sal nooit weer honger kry nie, en wie in My glo, sal nooit weer dors kry nie.

Gebed
Bid die Onse Vader hardop saam of speel ‘n musiekweergawe daarvan.

Herinneringsteken
Deel tydens of na die diens paasbolletjies (en dalk sappies) uit as herinneringsteken hiervan.

 

Hier is die Engelse kinderliedjie “Hot Cross Buns”:

Leave a Reply

en_ZAEnglish