Intergenerasionele erediens wenk
Tema: Biddag vir Gesondheidsdienste
Dit is vandag Biddag vir Gesondheidsdienste. Daar is ‘n uitdeelstuk met gebedswenke en doen idees.
Ons bid vandag vir mense wat uit die aard van hulle werk, elke dag ander dien… dokters, verpleegpersoneel, nooddienswerkers, ens. in die gesondsheidsdienste. Julle kan dié persone vra om in hulle uniform / werksklere die erediens by te woon en vir hulle bid (en dalk ‘n kaartjie oorhandig). Sien ook die foto van hande-kaartjie as ‘n voorstel.
Reënboog gebed
sien die uitdeelstuk by:
‘n Reënboog bring hoop en help ons onthou dat God vir ons sorg. Gebruik die kleure van die reënboog om saam in die erediens te bid, asook tuis.
ROOI – Dankie vir Jesus se liefde vir ons
ORANJE – Ons bid vir diensbaarheid, geduld en nederigheid
GEEL – Help elkeen wat bang of alleen voel
GROEN – Ons bid vir siek mense en mense wat versorg moet word
BLOU – Ons bid vir gesondheidswerkers – dokters, verpleegsters en noodpersoneel
PERS – Ons stel ons vertroue in God, ons Koning, wat vir ons sorg
PIENK – Ons bid vir veiligheid en gesondheid
